affiliate marketing Famous Urdu Poetry: Tum meri aankh ke tevar na bhula paaoge

Friday 13 May 2016

Tum meri aankh ke tevar na bhula paaoge

Tum meri aankh ke tevar na bhula paaoge 

 
Ankahi baat ko samajhogey to yaad aaonga

 

Hum ne khushiyoon ki tarhan dukh bhi ikhatte dekhe


Safah-e-zeest ko paltogey tu yaad aaonga

 

Is judai main tum andar se bikhar jaogay


Kisi maa'zoor ko dekhogay tu yaad aaonga


Isi andaaz mein hote thay mukhatib mujh se

 

 Khat kisi aur ko likhogey tu yaad aaonga

 

Meri khushboo tumhen kholegi gulaabo'n ki tarhan


Tum agar khud se na bolo gay tu yaad aaonga

 

Sard ratoon ke mehakte huwe sannaton mein


Jab kisi phool ko choomogey tu yaad aaonga

 

Aaj tu mehfil-e-yaaraan pe ho magroor bohut


Jab kabhi toot ke bikhogey tu yaad aaonga

 

Ab tu ye ashk mein hontoo se chura leta hoon


Haath se khud inhein ponchogey tu yaad aaonga..

.

Shaal pehnayega ab kaun december mein???


Baarishoon mein kabhi bheegogey tu yaad aaonga

 

Haadse ayenge jeevan mein tu tum hoke nidhaal


Kisi deevar ko thaamogey tu yaad aaonga

 

Is mein shaamil hai meri bakht ki tareeki bhi


Tum siyah rang jo pehnogey tu yaad aaonga

 

Book: Aankhen Bheeg Jati Hain..

No comments:

Post a Comment