Suna hay sal badla hay by Imran Ashraf

سنا ہے سال بدلا ہے

میں سوچتا ہوں

تنہا بیٹھ کر اکثر

صرف سال ہی بدلا ہے

فریال تو وہی رہ گئی

اس ملک میں رہنے والے

بلا کے پاگل جنسی درندے

سب کچھ تو وہی ہے

یہاں تو کچھ بھی نہیں بدلا

یہاں ہر روز

اک نئی جنس کی منڈی لگتی ہے

ہوس کے پجاری یہاں

روز آنے والی کالی راتوں میں

اپنی ہوس کی چادر پر

اک نیا پھول مسلتے ہیں

اور وہی پاگل درندے

میرے ملک کی پاک سڑکوں پر

کھلے عام دندناتے پھرتے ہیں

روزانہ ایک نئی زینب

ایک نئی فریال اجڑتی ہے

ان درندوں کے گھیرے میں

کتنی معصوم کلیاں

سسکتی اور مچلتی ہیں

پر ان کو ذرا بھر ترس نہیں آتا

میں سوچتا ہوں بیٹھ کر

نۓ سال کے بدلنے سے

یہاں کچھ بھی تو نہیں بدلا

بہت غمگین ہوتا ہوں

پھر بے اختیار روتا ہوں

پھر میں سوچتا ہوں بیٹھ کر

کب وہ نیا سال آئے گا

جب میرے ملک کی ننھی کلی

اپنی گلیوں اور محلوں میں

بلا خوف وخطر

کھلے گی اور مسکرائے گی

کہ جب یہ سب دیکھ لوں گا

پھر مان لوں گا میں

کہ نیا سال آیا ہے

واقعی نیا سال آیا ہے

عمران اشرف